Aleancistet ngreje flamurin kombetar

Rreth 2000 aleanciste jane mbledhur dje per te protestuar tek ish-Kampi i Pioniereve kunder Petrolifieres dhe veprave te naftes. Ndersa ora po shkonte 11.00 me gjithe kohen e keqe dhe shiun, vargu i njerezve qe mblidheshin ne afersi te vendit ku ndodhet aktualisht reparti i forcave speciale te nderhyrjes se shpejte, vinte duke u rritur. Ne dispozicion te protestuesve ishin vene tete autobuse, te veshur me flamuj kombetare, si dhe me mbishkrimet "Rezistence deri ne Referendum". Ndersa pergjate rruges ishin parkuar afro 500 autovetura. Ne fjalen e tyre organizatoret e tubimit kerkuan referendumin, ku populli i Vlores te vendose vete per veprat qe po ndertohen ne territorin e tij.
Me pas, tubuesit u drejtuan ne veprat qe jane rreth 2 km larg nga vendi i mitingut. Ne rrugen drejt TEC-it jane shoqeruar nga nje kordon i gjate forcash policore. Sakaq, te tjera forca speciale qendronin ne gatishmeri brenda Pyllit te Sodes. Ne hyrje te Tec-it policia bllokoi manifestuesit, por pas negociatave, dy studente u lejuan te hyjne brenda territorit te kantierit dhe te mbjellin ne menyre simbolike dy peme. "Do te mbjellim pisha ne simbolike te jetes, per te treguar se Vlora e do jeten. Ne duam referendum sepse Vlora do jeten e jo naften", tha Sadrit Danaj, njeri prej anetareve te kryesise se Aleances.
Barrikada e dyte e uniformave blu ishte ngritur rreth 50 metrave larg vendit, ku po punohet per ndertimin e Petroliferes. Ketu protestuesit thyen barrieren e ngritur nga policia, duke hyre brenda kantierit. Uniformat blu, thane se u terhoqen per te mos kaluar ne konfrontim fizik. "Ne jemi shume dhe kjo eshte forca jone", deklaruan protestuesit.- Por kjo eshte hera e fundit qe ne e shprehim forcen me te tille menyre, pasi ne te ardhmen do ta shprehim ashtu sic eshte forca ne vetvete". Pasi dolen nga kantieri i Petroliferes, protestuesit grisen tabelen ku shkruhej "Shoqeria Italo-Albanese" dhe vendosen dy flamuj shqiptare.
Ornela Hila