Alonso: Largimi nga Liverpooli, i vështirë

Mesfushori i Real Madridit, Xabi Alonso, ka folur për largimin e tij nga Liverpooli ku kishte qëndruar pesë vite, duke e konsideruar largimin si të vështirë, mirëpo si diçka që duhej të ndodhte. "Largimi nga Liverpooli ishte një vendim shumë i vështirë për mua. Pas pesë vitesh, mendoj se kam qenë shumë me fat që kam përjetuar mbrëmje të bukura në Anfield".
"Kam përjetuar mbështetjen e tifozëve më të mirë në botë dhe u jam shumë falënderues dhe gjithmonë do t'i kem në mendjen time". "Verën e kaluar, klubi më propozoi që mund të shitesha për të transferuar lojtarë të rinj, dhe kjo ishte e vështirë për mua. Mirëpo e pranova si një profesionist dhe ai moment ndryshoi mendjen time, dhe mendoj se nga ai moment ishte koha për një ndryshim", ka thënë spanjolli për "Sky Sports News".