Alonso rinovon edhe për 2 vite

Renault konfirmon për 2009 dhe 2010 spanjollin Fernando Alonso. Edhe Nelson Piket do të qëndrojë në këtë skuderi edhe për një sezon tjetër. "Ky rikonfirmim, komentoi Flavio Briatore, na lejon të kemi një çift perfekt, kur përzihen rinia dhe eksperienca. Fernando ka qenë shumë i rëndësishëm në këtë sezon të vështirë. Talenti i tij, së bashku me punën e madhe të skuadrës, i dhanë mundësinë Renaultit të jetë mes konkurrentëve kryesorë në Formula 1. Për këtë rinovim është shprehur i kënaqur edhe vetë Alonso.