Alves: Cristiano është arrogant
Mbrojtësi i djathtë i Barcelonës, Daniel Alves, është shprehur se Cristiano Ronaldo “është pak arrogant”.
“Për të qenë lojtari më i mirë në Botë jo vetëm duhet të luash mirë, por duhet të jesh edhe simpatik në sytë e tifozëve dhe disa sjellje të Ronaldos bëjnë që ai të duket arrogant. Kjo gjë i ul vlerat edhe si futbollist”, u shpreh braziliani në një intervistë për portugezen ‘A Bola”.
Alves saktësoi se futbollisti i Real Madrid është një lojtar me shumë cilësi dhe një nga më të mirët e momentit, por që ka edhe difekte.
“Mendoj se lojtari më i mirë i botës duhet të jetë i qetë dhe i përulur. Messi i ka këto cilësi ndërsa Cristiano jo”, shtoi Alves.