"Ambasada", ndalohen 7 agjente sigurimesh

Tirane- Finalizohet operacioni i koduar "Ambasada", i cili ka goditur aktivitetin e palicencuar te disa agjenteve sigurimesh. Burime zyrtare te Policise se Tiranes, bene te ditur se specialistet e seksionit Kunder Krimit Ekonomik-Financiar, gjate nje operacioni ne rrugen "Papa Gjon Pali II", kane bere te mundur kapjen e 7 agjenteve te disa kompanive sigurimi. Ata jane; Lefter Jaupaj, 42 vjec, Ylmije Kapedani, 61 vjece, Mbarime Selmani, 44 vjece, Kujtim Malaj, 46 vjec, Lindita Dema, 55 vjece, Fatos Karagjozi, 43 vjec, Pirro Tocka, 46 vjec, te gjithe me banim ne Tirane. Sipas policise, pas nje hetimi te kryer per nje periudhe kohe, dyshohen se personat e ndaluar, duke qene te punesuar si agjent sigurimesh prane shoqerive te sigurimeve, "Albsig" dhe "Atlantik", dege te cilat jane te vendosura ne afersi te ambasades italiane ne Tirane, ushtronin aktivitetin e tyre, duke i prere sigurime per jeten mbi vleren e percaktuar, qytetareve te ndryshem (te cilet aplikojne per marrjen e vizave prane kesaj ambasade). Aktiviteti i tyre ishte perqendruar pikerisht ne kete ambasade, pasi dihet se aty ka edhe nje fluks me te madh aplikimesh per vize. Punonjesit e punesuar ne keto shoqeri sigurimesh, pasi kane dhene deklarimet e tyre per kete aktivitet, jane keshilluar qe te mos e ushtrojne me kete aktivitet dhe me pas u lane te lire. Nderkohe, Policia Tatimore ka vendosur te ndeshkoje me gjobe kompanite e sigurimeve, qe kane shfrytezuar punen e ketyre agjenteve. Sipas policise, secila prej ketyre kompanive te sigurimit eshte ndeshkuar me nje gjobe me vlere 250 mije leke, pasi keto kompani ushtronin aktivitetin e tyre, ne ambjente te pa licencuara.

Ledi Koraqi