Ambasadori amerikan shikon ndeshjen me Bashën dhe Ramën

Ambasadori amerikan Aleksandër Arvizu së bashku me kandidatin për kryebashkiak të Tiranës Lulëzim Basha kanë ndjekur gjatë mbrëmjes së sotme ndeshjen gjysmëfinale të Champions League Real Madrid-Barcelona. Kandidati i mazhorancës Lulëzim Basha së bashku me ambasadorin amerikan e kanë parë ndeshjen në një prej lokaleve të kryeqytetit ku kanë qenë të shoqëruar prej të rinjve të kryeqytetit.
 

Menjëherë pas kësaj, ambasadori i Amerikës në Shqipëri Aleksandër Arvizu është ndalur në çadrën rinore të ngritur prej Partisë Socialiste në bulevard. Së bashku me kreun aktual të Bashkisë dhe njëkohësisht kandidat për kreun e Bashkisë së Tiranës për opozitën Edi Rama, ambasadori amerikan ka qëndruar nën shoqërinë e të rinjve eurosocialist, të cilët gjithashtu po ndiqnin ndeshjen Real Madrid-Barcelona.