Ambasadorja siriane në Francë: S`kam dhënë dorëheqje

Ambasadorja siriane në Francë, ka deklaruar se njoftimi për dorëheqjen e saj në një televizion francez është mashtrim. Të martën,  një televizion francez,  ka transmetuar një intervistë me një grua që pretendon se është ambasadorja siriane e cila ka thënë se po jep dorëheqjen nga qeveria e Presidentit Bashar al Asadit, si shenjë proteste ndaj “ciklit të dhunës” që po shkaktohet nga regjimi i Asadit.

Ambasadorja Lamia Shakur, duke folur sot në një tjetër televizion francez, ka thënë se dikush tjetër ka folur në emër të saj.

Ajo ka thënë se do e padisë  televizionin "Francë 24", për keqinformim.

Vetëm disa orë pas transmetimet të komenteve të saj, rrjeti televiziv ka lajmëruar se intervista mund të ketë qenë mashtrim.