Ançeloti vendos të largohet, Reali i Madridit në pritje

Trajneri italian Karlo Ançeloti ka vendosur për të ardhmen e tij. Sipas mediave franceze, tekniku i PSG-së, për të cilin ka kohë që flitet për një transferim të mundshëm te Real Madrid, ka njoftuar drejtuesit e klubit francez se ka vendosur të largohet. Ançeloti i ka bërë të ditur presidentit Nasser Al-Khelaifi se ndeshja e ardhshme në kampionat kundër Lorient do të jetë e fundit për të në pankinë. Leonardo konfirmoi kërkesën e Ançelotit dhe dëshirën e tij për të shkuar te Real Madrid, por theksoi se klubi shpreson që ai të qëndrojë. 
(a.k/E.Ilnica/BalkanWeb)