Angela Merkel viziton sot Kosovën
Prishtinë- Kancelarja gjermane Angela Merkel do të vizitojë sot Kosovën. Kjo është hera e parë që Merkel viziton shtetin më të ri të rajonit, dhe pritet që gjatë qëndrimit atje të takohet me kryeministrin e Kosovës, Hashim Thaci, përfaqësuesit e mekanizmave ndërkombëtarë si dhe ushtarët gjerman që shërbejnë në kuadër të forcave paqeruajtëse të udhëhequra nga NATO-ja në Kosovë.
Ndërkohë që janë marrë të gjitha masat që t’i bëhet një pritje madhështore zonjës Merkel, e cila ishte një ndër kundërshtueset kryesore për t’i refuzuar Serbisë vendin e statusit kandidat në BE, pasi sipas saj Beogradi nuk plotësoi kushtet e vendosura nga BE-ja për Kosovën
Incidentet e dhunshme, ku mbetet të plagosur disa ushtarë gjerman ishin vendimtare për shtyrjen e vendimit të Bashkimit Evropian për ti dhënë Serbisë statusin e vendit kandidat për anëtarësim në Bashkimin Evropian.
Sipas Merkelit rruga e Serbisë drejt Bashkimit Evropian mund të realizohet vetëm nëpërmjet normalizimit të marrëdhënieve me Kosovën.
Duke pasur parasysh edhe rolin e Gjermanisë në kuadër të Bashkimit Evropian, kjo mbështetje e Merkelit konsiderohet si mbështetje e njohjes së Kosovës nga Gjermania.
Nga ana tjetër vizita e kancelares Merkel, nuk është pritur mirë nga autoritetet serbe, pasi sipas tyre kancelarja ishte shkaktarja kryesore që Serbia nuk morri statusin e vendit kandidat për anëtarësim në Bashkimin Evropian para pak ditësh.
No related posts.