Anketimet: Barak Obama kryeson garën presidenciale
Kandidatët për president Xhon Mekein dhe Barak Obama po përgatiten sot për debatin e tyre të tretë dhe të fundit, ndërsa anketimet tregojnë se zoti Obama kryeson garën ndaj rivalit të tij.
Një anketim i zhvilluar nga gazeta NJU Jork Time dhe televizionin CBS i publikuar dje tregon se zoti Obama kishte mbështetjen e 53 për qind të të anketuarve, ndërsa zoti Mekein mbështetej nga 39 për qind e tyre.
Një tjetër anketim i gazetës Los Anxhelos Times dhe televizionit Blumberg, tregon se mes 1 mijë e 500 vetëve të përfshirë në anketim, 50 për qind mbështesnin zotit Obama dhe 41 për qind zotin Mekein.
Ndërsa një anketim i zhvilluar nga gazeta Washington Post dhe televizioni ABC News tregon se mbështetja për zotin Obama është rriur në mënyrë dramatike në 4 shtete tepër të rëndësishme të fushatës, Minesota, Kolorado, Micigan dhe Wisconsin.
Anketimet zakonisht mund të gabojnë deri në 3 për qind. Të anketuarit fajësojnë krizën ekonomike për rënien e mbështetjes ndaj zotit Mekein.//lk