Apelimi i notes, shpallen procedurat

Universiteti i Tiranes ka shpallur te gjitha procedura se si studentet mund te ankimohen per noten, duke pretenduar se meritonin me shume. Rregullorja e re, e cila ka pesuar revolucion sa u perket kryesisht te drejtave te studenteve, parashikon se si mund te ndryshoje rezultati i provimeve, si do te funksionoje zhvillimi i provimeve si dhe sanksionet qe ndermerren si per pedagoget, ashtu edhe per studentet ne raste shkeljesh.
Nota
Sipas nenit 50 te kesaj rregulloreje, studenti ka te drejte te ankohet per shkelje te rregullave te zhvillimit te provimit, duke ia paraqitur me shkrim pergjegjesit te departamentit brenda 24 oreve nga data e zhvillimit te provimit. "Pergjegjesi i departamentit nese verifikon shkelje te korrigjueshme, ne bashkepunim me komisionin e provimit, bejne korrigjimet e duhura", thuhet ne rregullore. Por, ne rast se pergjegjesi i departamentit e gjykon se e ka te pamundur te marre vendim, i propozon dekanit, i cili pasi eshte njohur me te gjithe proceduren, merr vendim. Nese ai e gjen te drejte ankesen e studentit, anulon provimin dhe merr vendim per rizhvillimin e provimit. Gjithashtu, studenti ka te drejte te ankohet per rezultatin perfundimtar te provimit. Ankesa i paraqitet me shkrim pergjegjesit te departamentit, brenda 48 oreve nga marrja dijeni e rezultatit te provimit, i cili ben verifikimet e duhura dhe kur e gjen te pamundur zgjidhjen e ankeses, ve menjehere ne dijeni dekanin/drejtorin. Ky i fundit, brenda 48 oresh nga marrja dijeni per ankesen nga pergjegjesi i departamentit, ngre nje komision ad-hoc i cili ben verifikimin e pretendimeve te studentit. Me miratim te dekanit/drejtorit, komisioni percakton vleresimin perfundimtar te provimit.
Riprovimet
Studenti ka te drejte te jape provim ne tre sezone te rregullta: sezonin e veres, vjeshtes dhe dimrit. Ne raste te vecanta, me kerkese te Keshillit Studentor mund te hapen edhe dy sezone. Ato mund te hapen ne muajt dhjetor dhe prill, per te cilat studentet do t'u nenshtrohen tarifave per sherbimin e ofruar. Studenti i vleresuar perserites ne sezonet e rregullta te provimit, ka te drejte te riprovohet ne sezonin e vjeshtes deri ne gjysmen e krediteve vjetore, duke perfshire si lendet e vitit ne vijim ashtu dhe ato te mbartura nga vite te meparshme. Gjithashtu ai ka te drejte te paraqitet ne provim edhe ne vitin pasardhes, deri ne dy here per provimet e mbartura. Nje here ne njerin nga sezonet e provimeve, sipas perkatesise se lendes qe mbart dhe heren e dyte lejohet vetem ne sezonin e riprovimit. Kur studenti rezulton kalues me kreditet e nevojshme dhe brenda dy viteve akademike nuk ka fituar nje lende, ka te drejte te kerkoje ngritjen e nje komisioni ad-hoc sipas percaktimeve ne nenin 51 te kesaj rregulloreje. Nga ana tjeter, studenti ka te drejten e rishikimit te notes ne cdo vit akademik, per deri ne tre lende nga detyrimet e atij viti.
Rregullorja e UT
Ndeshkim per studentet kopjace dhe rrugace
Ne rregulloren me te re te UT-se, shkelje te rregullave konsiderohen te gjitha veprimet e kryera nga ana e studentit qe cenojne personalitetin e te tjereve, rregullat dhe normat etiko-morale te shoqerise. Behet fjale per veprime si: kopjimi ne provime, falsifikimi i dokumenteve te ndryshme, aktet e rrugacerise, te vjedhjes etj, kur keto veprime nuk bartin elemente te vepres penale. Sipas rregullores me te re per Universitetin e Tiranes, per keto veprime, te kryera gjate vitit akademik, perfshire edhe intervalin me vitin e meparshem merren keto masa disiplinore: keshillim me shkrim, verejtje me shkrim, pezullim nga shkolla per ate vit akademik, cregjistrim nga Universiteti i Tiranes.