Ardian Nuhiu: Elbasani meritonte fitoren

Lojtari shqiptaro-maqedonas Ardian Nuhiu ka bërë një paraqitje të shkëlqyer ditën e shtunë në sfidën me Tiranën. Ai jo vetëm ka qenë një nga më aktivët në fushën e lojës, por edhe lojtari që i dhuroi avantazhin skuadrës së tij nëpërmjet një krosi të saktë për sulmuesin Bejzade që i coi në 2-1 shifrat provizore të ndeshjes. Në deklaratën e tij ai thekson se ishte një sfidë e foretë dhe shumë e vështirë, por skuadra e Elbasanit e meritoi fitoren për lojën që zhvilloi dhe për shpirtin e lartë të garës në "Qemal Stafa". "Me të vërtetë na erdhi shumë keq që nuk fituam, ndonëse luajtëm shumë mirë dhe e vumë në vështirësi kundërshtarin. Kaluam dy herë në avantazh, por pa mundur të ruanim fitoren. Me këtë ndeshje ne treguam se jemi një skuadër e aftë për të synuar edhe titullin kampion, por një gjë e tillë kërkon vazhdimësi në lojrat pozitive", thekson Ardian Nuhiu. Më tej ai flet edhe për vëllain e tij Arbenin, nga i cili u zëvëndësua në minutat e fundit të ndeshjes. "Trajneri i skuadrës, Krenar Alimehmeti e pa të arsyeshme që të më zëvëndësonte mua pikërisht me vëllain tim Arbenin, i cili dha më të mirën edhe ai në fushën e lojës. Mendoj se qenia jonë në të njëtën skuadër do të jetë shumë pozitive duke na motivuar edhe më shumë për të mirën tonë dhe të skuadrës verdheblu".
Gazeta Sporti