Ardian Nuhiu ofertë nga Elbasani

Pas ofertave nga Milano dhe Vardari në adresë të sulmuesit shqiptar Ardian Nuhiu ka ardhur një ofertë e re. Është skuadra e Elbasanit nga kampionati i Shqipërisë që ka shprehur dëshirën të ketë shërbimet e lojtarit Nuhiu. "Në lojë tani është edhe Elbasani nga Superliga e Shqipërisë. Drejtuesit e këtij klubi i njohin cilësitë e mia, sepse unë sezonin e fundit kam luajtur për Dinamon. Tani ka mbetur që të takohem me presidentin e klubit të Elbasanit dhe nëse do të gjejmë gjuhë të përbashkët, atëherë do të transferohem tek kjo skuadër", - pohoi Ardian Nuhiu.