Arkitekte gjermane per teatrin e Apolonise

Ekspedita shqiptaro-gjermane kthehet serish ne Apoloni. Punimet do te fillojne te henen dhe do perqendrohen ne te njejten zone qe eshte germuar edhe vjet te teatri antik. Specialistet gjermane dhe shqiptare kthehen per te katertin vit ne parkun arkeologjik. Sipas te dhenave para se te nisin germimet specialistet do te studiojne terrenin. Kujtojme se rreshqitjet e dheut qe perfshine disa zona te Apolonise rrezikuan edhe teatrin antik. Nje arkitekt gjerman do te vije se bashku me arkeologet per te pare nga afer gjendjen dhe problemin e rreshqitjes e per te ofruar nje zgjidhje ne terren. Kjo do te jete detyra e pare ende pa nisur germimet. Ndersa angazhimi i dyte i ketij specialisti ka te beje me mundesine e nje restaurimi per ta bere pjeserisht te vizitueshem kete amfiteater. Behet fjale per shkallet e para ato me afer skenes. Amfiteatri antik i Apolonise eshte nje nga monumentet kryesore te qytetit me disa mijera spektatore. Ky amfiteater eshte i demtuar qe nga koha e Mesjetes. Vazhdimisht prej tij jane marre blloqe per tu shfrytezuar ne monumentet e tjera. Manastiri eshte nje prej monumenteve te ndertuar me keto blloqe. Vitin e shkuar germimet e ekspedites shqiptaro-gjermane nuk sollen zbulime te konsiderueshme. Po kjo ekspedite dy vite me pare u perfol dhe u perfshi ne debatet per demtimin e nje pjese te murit te amforave.