Armët bërthamore, Kina kërkon në OKB heqjen e sanksioneve ndaj Iranit

Nju Jork, 24 shtator NOA-Vendosja e sanksioneve shtesë ndaj Iranit nuk do ta bindë Republikën Islamike të pezullojë programet bërthamore, tha zëdhënësja e diplomacisë kineze, Xhiang Ju.

Pesë vendet anëtare të përhershme të Këshillit të Sigurimit, ku hyn edhe Kina, plus Gjermaninë takohen më 1 tetor me përfaqësuesit e Iranit.

Gjashtë fuqitë botërore kanë kërkuar nga Teherani të përgatisë një përgjigje serioze për në takimin e rradhës.
Nga Irani kërkohet pezullimi i programeve bërthamore.

Perëndimi akuzon Iranin se synon prodhimin e armëve bërthamore, akuza që Teherani i ka hedhur poshtë.