Arrestimi i Tacit, ish-punonjesit e ARMO-s pa asistence

Per shkak te problemeve te presidentit te kompanise "Taci Oil", Rezart Taci, ish- punonjesit e ARMO-s qe kane dale te papune nga reforma e privatizimit, kane mbetur pa rroga. Per te zgjidhur kete situate ministri i Ekonomise, Tregtise dhe Energjetikes, Dritan Prifti, takoi sot nje perfaqesi te punonjesve te dale ne reforme, nga privatizimi i ARMO-s. Punonjesit shprehen shqetesimin qe jane paguar vetem per 8 muaj si asistence pas privatizimit. Ata kerkuan te paguhen dhe per 4 muaj, si dhe te paguhen per vjetersine ne pune sipas vendimit te qeverise mbi privatizimin e ARMO- s. Ministri Prifti sqaroi punonjesit se ceshtja e tyre eshte drejt zgjidhjes, por procesi eshte bllokuar nga problemet ligjore te presidentit te kompanise "Taci Oil". Ne nje marreveshje qe pritet te firmoset mes METE dhe kompanise "Taci Oil", parashikohet qe "Taci Oil" dhe qeveria te paguajne faturen perkatese per te permbushur kete detyrim, te merituar ndaj punonjesve te dale ne reforme. "Marreveshja ishte parashikuar te firmosej javen e kaluar, por per shkak te problemeve ligjore te Rezart Tacit, mbeti pa firmosur. METE i garanton ish- punonjesit e ARMO-s qe pavaresisht nga zhvillimet me presidentin e "Taci Oil", detyrimi ndaj tyre do te shlyhet brenda vitit 2009",-tha Prifti. Ministri sqaroi ish-punonjesit se, njihet me ceshtjen dhe se gabimet teknike ne llogaritjet e bera nga ARMO (shteterore) dhe METE ne kohen e privatizimit, kane sjelle problemet ne pagesa.