Arrestohen tre persona nën dyshimin e kontrabandimit me drogë

Një ditë pasi Policia Kufitare në pikën kufitare në Merdare arriti të konfiskojnë rreth 6 kg të substancës narkotike, gjatë ditës së sotme policia ka arrestuar edhe tre persona si të dyshuar lidhur me këtë rast.

Zyra për informim e Policisë së Kosovës njofton se me urdhër të prokurorit të Prokurorisë së Qarkut Prishtinë janë arrestuar Qazim. E (1976), Qani. E (1960) dhe Mustafa.M (1963).

Njësitet nga Policia e Kufitare falë punës shumë profesionale kanë arritur që në orët e mëngjesit të djeshëm në pikën kufitare në Merdare të konfiskojnë rreth 6 kg të substancës narkotike, që dyshohet të jete heroinë.

Gjatë vitit 2010 janë konfiskuar rreth 364 kg substanca narkotike (heroinë, marihuanë, kokainë), si dhe janë shkatërruar 9,724 fije kanabis.