Arrestohet, kafshoi më dhëmbë një shtetas

Tiranë- Dëmtoi rëndë një shtetas, duke përdorur dhëmbët. Ngjarja ka ndodhur në Tiranë, kur një 38-vjeçar është vënë në pranga, pasi ka plagosur një shtetas pas një sherri. Sipas policisë, Hasan Selmani ka kafshuar me dhëmbë shtetasin J.B, duke i shkaktuar plagë të rënda.

Ngjarja ka ndodhur një ditë më parë, ndërkohë që policia ka bërë ndalimin e të akuzuarit si autor i ngjarjes dhe e ka shoqëruar atë në komisariat.

Materialet hetimore do ti kalojnë Prokurorisë së Rrethit Gjyqësor Tiranë në ngarkim të shtetasit Hasan Selmani për veprën penale të plagosjes së rëndë me dashje.