Arsimi Profesional, Ibrahimaj: Mendimi i të rinjve, vlerë e shtuar për çdo reformë!

Opinioni dhe pikëpamje e nxënësve të shkollave profesionale në vend janë pjesë e projektit “Turneu i Përvojave”. Ky projekt po zhvillohet në 20 shkolla profesionale të zgjedhura në vend dhe po aplikohet nga USAID mbështetur nga Ministria e Financave dhe qeverisa zvicerane.

Ministrja e Financave Delina Ibrahimaj ishte në shkollën e mesme profesionale të Teknologjisë së informacionit, “Hermann Gmeiner” ku theksoi se mendimet e vetë nxënësve janë një vlerë e shtuar për çdo reformë që do të ndërmerret.

Për drejtuesen e përhershme e PNUD, në Shqipëri, Monika Merino, mendimi i të rinjve ka gjithmonë vlerë.

“Për ne është e rëndësishme të marrim opinionet dhe idetë e të rinjve sa i përket cilësisë së arsimit dhe se çfarë duhet ndryshuar që ata të jenë sa më të suksesshëm dhe të jenë më të aftë për tregun e punës“.  

Nga ana tjetër Zv.Ambasadori i Zvicrës, Patrik Meier tha se besojmë se të rinjtë kanë aftësi për tregun e punës.

“Ne besojmë se të rinjtë kanë aftësi për tregun e punës dhe pikërisht prespektiva sesi ata e shohin procesinin e edukimit dhe punësimit është shumë i rëndësishëm jo vetëm për ata por për të gjithë ekonominë e vendit“.

Zv.Ambasadori i Zvicrës në vendin tone theksoi se shumë shpejt do të fillojnë takimet me biznesin në komitetet sektoriale.

/rtsh/