Papa Françesku: Mjaft i kthyet fëmijët në ushtarë!

Me rastin e Ditës Ndërkombëtare kundër përdorimit të fëmijëve në situata konflikti, Papa Françesku, bëri thirrje që fëmijët të mbahen sa më larg këtyre situatave.

Papa thekson se fëmijët të cilët kthehen në ushtarë po u grabitet fëmijëria, ndërsa akuzon të rriturit që kanë vënë armët në duart e tyre.

“Fëmijë ushtarë u grabitet fëmijëria, pafajësia e tyre dhe e ardhmja . Secila prej tyre është një klithmë që ngrihet te Zoti dhe akuzon të rriturit që kanë vënë armët në duart e tyre të vogla.”, kështu u shpreh Papa Françesku me rastin e Ditës Ndërkombëtare kundër përdorimit të fëmijëve në situata konflikti.