Arsimi, mbyllen shkollat e demtuara nga shperthimi
Ministria e Arsimit mbyll shkollat e fshatrave te prekur nga tragjedia e Gerdecit. Tashme femijet e ketyre zonave pervec tragjedise qe kaluan nuk do te zhvillojne mesim deri ne nje periudhe te pacaktuar. Urdhri i MASH-it doli menjehere pas vizites se bere ne zonen e prekur nga shperthimi te Ministrit te Arsimit, Genc Pollo si dhe te zevendesit te tij, Halit Shamata. Keshtu, duke filluar nga dita e hene ne shkollat baze te Gerdecit, Vores, Marikajt dhe Marqinetit, qe jane te demtuara nga shperthimi do te pezullohet mesimi. Pasi inspektuan zonen e prekur nga shperthimi, u konstatua se pjesa me e madhe e shkollave kishin pesuar demtime te renda dhe si pasoje nuk mund te zhvillohej mesim. Gjate kesaj vizite, Pollo u takua me drejtues te Pushtetit Vendor dhe zyrtare Arsimore te rrethit Tirane, te cilet kishin bere inspektimin e shkollave ne zonen e shperthimit. Shperthimi i fabrikes se shkaterrimit te predhave ne kete fshat ka qene shume i madh dhe si pasoje ka sjelle deme te pariparueshme edhe ne shkollat e fshatrave per rreth. Ndonese arsimi ne kete zone, pas tragjedise ka kaluar ne doren e dyte, menjehere do te filloje inspektimi dhe nxjerrja e shifrave te nevojshme per te bere te mundur riparimin e menjehershem te tyre, ne menyre qe gjithcka ti kthehet normalitetit. Sipas te dhenave paraprake nga vendngjarja, mesohet se disa nga keto shkolla kane pesuar demtime te dyerve dhe dritareve. Mesohet se shkaterrimi i tyre ka ardhur si pasoje e presionit te ajrit menjehere pas shperthimit te madh qe perfshiu fabriken ne fjale. Duke filluar nga dita e sotme, drejtoret e shkollave dhe i gjithe personeli shkollor do te angazhohen per pastrimin dhe inventarizimin e shkollave. Kjo, do ti jape mundesi MASH-it per te vijuar me tej me procedurat e metejshme per te rikthyer normalitetin dhe si pasoje edhe vazhdimin normal te mesimit per femijet e zones.
Mbyllja, pa afat kohor
Nuk dihet ende se sa do te zgjase pezullimi i mesimit ne shkollat e Gerdecit, Vores, Marikajt dhe Marqinetit, te cilat u mbyllen dje me urdher te Ministrit te Arsimit, Genc Pollo. Gjithcka tani do te jete ne varesi te perfundimit te riparimit, pasi sipas MASH-it, sapo te perfundoj ky proces nxenesit do ti rikthehen bankave te shkollave. Megjithate mesohet se ne fillim te kesaj jave MASH e Pushteti Vendor do te fillojne punen per riparimet e domosdoshme ne shkollat e demtuara.