"Femijet, me te prekurit nga ngjarja"

Sonila Isaku
Shperthimi i depos se armeve dhe municioneve do te mbetet ne kujtesen e te gjithe banoreve te zones, ndersa aktualisht gjendja psikologjike e tyre eshte shume e rende. Psikologu, Edmond Dragoti, thekson se kjo situate do te kapercehet pas nje kohe te gjate, kur ne fshatrat perreth te mos kete me asnje shenje nga kjo tragjedi. Por me te rrezikuarit sipas tij jane femijet dhe ata persona, te cilet kane humbur te afermit e tyre. "Te gjithe personat sot jane ne gjendjen e pavetedijes, por me kalimin e kohes kjo gjendje psikologjike do te kaloje, megjithese duhen muaj apo edhe vite”, deklaroi dje per gazeten "Koha Jone”, psikologu Dragoti. Sipas tij, ngjarja e ndodhur dy dite me pare ne fshatin Gerdec te Vores, ka lene te njejtat e efekte si te nje lufte te papritur per banoret.
Femijet
Me te vegjlit e zones perreth ku ndodhi shperthimi do te kene edhe pasojat me te medha deri sa te kalojne kete tragjedi te rende. Sipas psikologut Dragoti, femijet dhe sidomos ata me te vegjlit nuk arrijne te perceptojne ate cfare ka ndodhur, por vetem do te ruajne ato imazhe dhe pamje gjate gjithe jetes se tyre. "Femijet, sidomos me te vegjlit, qe kane pare ato skena shperthimi, te plagosurish, lot tek te afermit e tyre nuk arrijne te perceptojne ate se cfare ka ndodhur. Per kete arsye ata do ta kene edhe me te veshtire per te perballuar situaten dhe per te kapercyer kete gjendje te pavetedijes”, nenvizoi Dragoti. Sipas tij, cdo deshmitar qe ka perjetuar momentet e kesaj "lufte"te papritur eshte tronditur dhe ka kaluar ne gjendjen e pavetedijes. Rreziku i ndodhur, fakti i kesaj ngjarjeje te paparashikuar kane rritur shokun psikologjik si tek te vegjlit ashtu edhe tek te medhenjte.
Te rriturit
Megjithese arrijne te logjikojne dhe te analizojne cdo detaj, shanset per te kaluar kete goditje psikologjike per te rriturit eshte me i madh. Kjo per vete faktin se koha do t'u mundesoje banoreve te ketyre zonave momente te reja dhe te tjera, te cilet do te ndihmojne nga dalja e ketij shoku psikologjik qe kane perjetuar gjate shperthimit. "Te rriturit kane me teper shanse qe kete goditje te pavetedijes ta kalojne dhe te shkojne perseri ne gjendjen e vetedijes. Megjithese duhet kohe per riparimin e ketyre demtimeve psikologjike, por perseri do te jete koha ajo qe do te sjelle mundesine e kalimit"ka pohuar psikologu, Edmond Dragoti. Ndersa per personat, te cilet kane humbur te afermit e tyre apo jane te demtuar, sipas psikologut, do te duhet nje kohe e gjate per te kuptuar ngjarjen dhe si ajo ndodhi. Ky grup personash eshte me i prekuri i cili ka nevoje per trajtime psikologjike dhe sociale, per te kaluar per nje kohe sa me te shkurter gjendjen e veshtire qe u eshte shkaktuar nga tragjedia e Gerdecit.