Arsyet per t'u ndjere krenare Nga Jozefina Topalli

Vetem dy dekada me pare, shqiptaret, burra dhe gra, permes sakrificash sublime permbysen diktaturen me te eger komuniste dhe filluan nje beteje te pandalshme per demokraci ku te gjithe do kishin te drejte qe te punojne, te jetojne, te enderrojne pa frike nga askush. Sot jemi nje popull krenar per arritjet tona. Kemi rritur rrogat, kemi rritur ekonomine, kemi bere rruge moderne, kemi ndertuar dhe rikonstruktuar mijera shkolla, kemi rritur pensionet, kemi hyre ne NATO, kemi rritur numrin e studenteve, kemi ringjallur fshatin, kemi shkurtuar rruget, kemi rritur eksportet, kemi rritur te ardhurat, kemi hequr vizat. Grate, padyshim kane bere qe te triumfojne vlerat e arritjet tona me te mira. Cdo grua shqiptare sot ka arsye per te qene krenare per veten, per femijet, per gjithe sakrificen e kontributin e saj per cdo gje te mire qe bashke kemi arritur.
Cdo grua shqiptare sot ka arsye per te qene krenare per vendin tone, per flamurin tone, per lirine qe kemi, per progresin e zhvillimin, per Shqiperine e bukur dhe te transformuar.
Sot ne perulemi me respekt per sakrificat, per kontributet, per arritjet qe grate kane realizuar ne cdo aspekt te jetes ne shtepi, ne pune, ne komunitet si nena, si bashkeshorte, si motra, bija, si qytetare, si lidere, si mesuese, mjeke, si ekonomiste, infermiere.
Po te kthejme koken pas ne histori, gjejme qe vendi yne ka patur gra qe kane bere histori.
-Teuta ishte mbreteresha jone e pare.(2 mije vite me pare)
- Rozafa eshte legjenda e gruas shqiptare qe muroset ne emer te beses, por me kushtin qe te ushqeje me gjirin e saj femijen. (500 vite me pare).
- Shote Galica ishte nje grua luftetare qe vdes per lirine.( 100 vite me pare).
- Nene Tereza eshte ikona e dashurise. Ajo eshte krenaria e kombit tone.
Si mbreteresha, si luftetare, si legjenda, si misionare apo si nena ato jane modelet e popullit tone.
Per ne grate e gjithe bota jone rrotullohet tek femijet, familja, vendi, dhe sado te ndryshme mund te jemi ne diversitetin tone te mrekullueshem ne kemi kaq shume gjera qe na bashkojne. Nga tryezat ne familje dhe deri ne tryezat e vendimmarrjes, grate kane punuar per te arritur cfare na takon, per zotesi apo inteligjence, per aftesi apo potencial, e mbi te gjitha per barazi ne te drejta qe Zoti na ka dhene. Ne grate kemi forcen te qendrojme ne kembe perballe cdo veshtiresie. Ne grate kemi forcen te qendrojme fort kundra dhunes. Ne grate kemi guximin te refuzojme dhe te mos lejojme as dhunen as ato qe ushtrojne dhune. Ne grate kemi kurajen per te kundershtuar me vendosmeri cdo burre qe per egoizmin e tij personal ben tentativa te deshtuara te dhunoje shtetin tone. Ne grate jemi te vendosura per te bere me te miren per femijet, familjen, atdheun. Ne grate nuk dorezohemi kurre. Sot nuk ndajme vetem vlera te perbashketa por ndajme interesa te perbashketa. Ne ndajme nje te ardhme te perbashket. Ne gjuhen tone shqipe vlerat si: femija, familja, Shqiperia drejtesia, siguria, paqja, barazia, shpresa, endrra jane femerore. Dikush thote se nena eshte perendesha e dashurise. Librat shkruajne se dora qe tund djepin, tund boten. Une besoj, edhe si perendeshe e dashurise, edhe si dore qe tund boten, per grate, kur duan, nuk ka barriera qe nuk kapercehen, nuk ka mrekulli qe nuk behen!