Arvizu: Palët të angazhohen seriozisht për integrimin

Ambasadori amerikan në Shqipëri, Aleksandër Arvizu ka kërkuar sot riangazhim serioz të partive politike për zhvillimin e dialogut dhe përcaktimin e një axhende të plotë kërkuese në kuadër të plotësimit të kritereve që kërkohen për integrimin e Shqipërisë në Bashkimin Europian. Duke folur në tryezën e rrumbullakët mes qeverisë shqiptare dhe donatorëve, Ambasadori Arvizu theksoi se palët kanë ende shumë punë për të bërë për integrimin e vendit në BE.

“Qëllimi i vendit është integrimi në BE dhe për këtë duhen përpjekje. Partive të riangazhojnë veten ndaj dialogut dhe të përcaktojnë axhentë kërkuese, që synon shtetin ligjor, rrugën kundër krimit të organzuar dhe realizimin e reformës zgjedhore”- tha Arvizu, duke theksuar

Ambasadori Arvizu ka vlerësuar progresin e madh të bërë gjatë 20 viteve të fundit, ndërsa ka garantuar mbështetjen e mëtejshme të donatorëve.
 

“Kanë kaluar 20 vite që kur shumë donatorë rivendosën marrëdhëniet me Shqipërinë. Kjo është mundësi për të treguar edhe për përparimin e madh gjatë 20 viteve dhe një mundësi për donatorët që të riafiromojnë angazhimin ndaj të ardhmes së vendit”- ka theksuar Arvizu.

Ai gjithashtu ka theksuar se bashkësia e donatorëve mbështet edhe nisjen e një stategjie 5-vjecare nga ana e qeverisë shqiptare për zhvilllimin e vendit.