Arvizu takon Ramën: Palët po bëjnë përpjekje, duhet ti inkurajojmë

Ambasadori i Shteteve të Bashkuara të Amerikës, Aleksandër Arvizu, ka folur për mediat pas një takimi që pati sot me kryetarin e PS, Edi Rama. Ambasadorit duket se nuk i kanë pëlqyer komentet e medias se Berisha dhe Rama janë të ndarë sa i përket presidentit. Arvizu tha se palët po përpiqen të nxjerrin një kandidat dhe duhen inkurajuar. Mendoj se zoti Rama meriton vlerësim sepse ata nuk insistojnë që kandidati të jetë i së majtës. Po ashtu mendoj se PD dhe Berisha meriton vlerësim që e ka bërë të qartë se duan të prezantojnë një kandidat, me të cilin ai ndjehet komod për të punuar, por që nuk përfaqëson interesat e ngushta të partisë së tij. Për mua kjo do të thotë që dy palët po përpiqen të nxjerrin një kandidat. Prandaj duhet të inkurajojmë ata, tha Arvizu.