Asnje mase qe nga permbytjet e 2005-s

Ndertimet mbi kolektore vijojne te jene nje nga shkaqet kryesore per permbytjen e zonave te tera ne Fier. Fundjaven e shkuar zona regjistroi nje prag katastrofe si pasoje e permbytjeve dhe nje fenomen i tille rrezikon te perseritet nese nuk nderhyhet ne kohe. Gjate permbytjeve te dhjetorit te vitit 2005 faktori kryesor u konstatua se ishte mospastrimi i kanaleve kulluese dhe ndertimet pa leje mbi kolektore. Nga evidentimet e kryera ne menyre te vazhdueshme doli se keto ndertime mbi kolektore nuk u prishen te gjitha. Madje edhe pese vjet me pas ato vijojne te qendrojne aty. Fakti pranohet edhe nga bordi i kullimit te Fierit i cili pohon se mbi kolektore vijojne te qendrojne ende 70 objekte pa leje. Edhe pse numri ne fjale nuk eshte perfundimtar pranohet nga drejtuesit e Bordit te Kullimit se ekziston mundesia e nje numri me te madh ndertimesh mbi kolektoret e ujit.

Shembja e tyre eshte ne kompetence te inspektorateve ndertimore te komunave ku jane identifikuar ndertimet mbi kolektor. Ne kemi kerkuar zyrtarisht shkaterrimin e tyre por jane komunat qe nuk po veprojne deklaroi gjate veres Ramadan Krasniqi kreu i bordit te kullimit ne Fier. Pafuqia e komunave duket sikur pranohet ne menyre te heshtur edhe nga Prefektura e Fierit e cila ka trumbetuar perdite per marrje masash kunder permbytjeve por asnje nga masat nuk ka konsistuar pikerisht ne imponimin e njesive te qeverisjes vendore per te shembur ndertimet pa leje mbi kolektore. Ne Prefekturen e Fierit pranojne se influenca e pronareve te ketyre objekteve pa leje ne disa raste edhe me leje eshte problemi i vetem qe shkaktohet te drejtuesit e komunave dhe inspektoratet ndertimore qe ata administrojne. Ne Fier gati te gjitha permbytjet jane regjistruar nga problemet qe lidhen me sistemin e kanalizimeve dhe ende nuk eshte marre asnje mase konkrete per stabilizimin e problemit.