Korce vrasesit e taksistit hetohen per krime te tjera
Dy prej gjashte te rinjve qe akuzohen per vrasjen e taksistit nga Devolli dyshohet se kane kryer edhe krime te tjera te renda.
Ngjarja e bujshme e rrembimit dhe vrasjes se taksistit nga fshati Pilur i Devollit Fredi Talelli eshte duke u mbyllur si dosje hetimore dhe pritet ti kaloje per gjykim Gjykates se Shkalles se Pare ne Korce. Por ndersa jane duke hetuar gjashte persona qe akuzohen si te perfshire ne vrasjen e taksistit dhe fshehjen e gjurmeve pas krimit hetimet e policise do te perqendrohen edhe ne te kaluaren e afert te dy te rinjve nga qyteti i Bilishtit Elkjero Revani 21 vjec dhe Arnes Xh. 16 vjec si autore te mundshem edhe te krimeve te tjera te renda te kryera me pare ne kete qytet.
Burime te rezervuara te policise lokale bene te ditur se dy te rinjte nga qyteti i Bilishtit qe jane te akuzuarit kryesore per autoresine e vrasjes se taksistit nga Devolli do te hetohen edhe per ngjarje te tjera te renda te ndodhura ne kete rreth dhe qe jane konsideruar si krime te pazbardhura.
Nje ngjarje e tille e mbetur ende mister eshte gjetja e nje personi te vdekur ne nje grope gelqereje. Ngjarja ka ndodhur rreth nje vit me pare dhe viktima ishte nje banor i qytetit te Bilishtit. Nderkohe per kete ngjarje dhe per te tjera te mbetura enigme per policine do te hetohen si autore te dyshuar te akuzuarit kryesore per vrasjen e taksistit Fredi Talelli.
Policia tha se duhen hetime te hollesishme per te siguruar prova nese dy te rinjte qe kane kryer vrasjen e taksistit jane te lidhur me krimet ende te pa zbuluara ne rrethin e Devollit apo qytetin e Bilishtit. Dyshimet se dy te rinjte qe jane autoret e marrjes peng dhe vrasjes se taksistit mund te kene kryer edhe krime te tjera bazohen edhe ne precedentet penale qe njeri prej tyre ka pasur te regjistruara ne polici.
Sipas te dhenave 21-vjecari Elkjero Revani figuron i denuar me pare si autor i nje plagosjeje me thike. Policia dyshon se dy te rinjte kane bashkepunuar ne veprimtari kriminale kryesisht grabitje. Policia e Korces dhe ajo e rrethit te Devollit pritet te vazhdojne hetimet per zbardhjen e krimeve te tjera te ndodhura me pare ne zonen e Devollit pasi dosja per grupin e te rinjve qe jane nen arrest te transferohet nga Elbasani per ne Korce.
Juridikisht procesi gjyqesor per te arrestuarit ne lidhje me vrasjen e taksistit do te gjykohet ne Korce edhe pse hetimet e deritanishme jane kryer me se shumti nga policia e Elbasanit ku u zbulua ne lume makina e taksistit te vrare si dhe personat e perfshire ne kete krim te rende.
Burime nga Gjykata e Korces thane se se shpejti dosja hetimore e policise se Elbasanit do te kaloje ne Prokurorine e Korces dhe me pas ne Gjykaten e Faktit te ketij rrethi per nisjen e procesit gjyqesor.