Asnje nuk perjashtohet nga kombetarja, do te seleksionohen me te miret

Nese lojtaret qe evidentoi Kuzhe gjate "zborit" te Antalias nuk do te afrohen dhe nuk do te kene shansin per t'u provuar ne kombetare tani qe kane moshen, ata ndoshta nuk do ta veshin kurre me vone fanellen kuqezi. Nese kombetarja nuk do ta provoje kurre ndonjehere suksesin nderkombetar, sic ka ndodhur deri tani, faji nuk i perket atyre qe nuk e veshen dot ne kohe fanellen kuqezi. Leksioni i trajnerit Kuzhe ishte i qarte, para "Euro 2012", se duhet t'iu jepet shansi te gjitheve dhe me te miret te seleksionohen dalengadale, por nuk duhet te kete asnjehere "te perjashtuar". Nga grupi i te rinjve, qe ishin ne Turqi, shume prej te cileve ende nuk kane provuar qe te veshin fanellen kuqezi, Kuzhe vecoi disa, qe tha se do t'i kete edhe me tej ne vezhgim, per te seleksionuar ne fund emrat e duhur. Trajneri theksoi se te gjithe te rinjte kane talent dhe nese punojne me shume, nje dite te jene me siguri lojtare qe do te mbrojne me dinjitet fanellen e ekipit tone kombetar. "Jemi duke u pergatitur per kualifikueset e evropianit dhe keto dite stervitje na kane sherbyer pasi u morem ne menyre individuale me keta te rinj. Disa prej lojtareve jane paraqitur mire dhe mund te jene pjese e miqesoreve qe do te kemi, disa te tjere jo, por ketyre te fundit i them se dera per ta mbetet serish e hapur. Elemente si Bala, Shkurtaj dhe Roshi treguan nje pergatitje te mire, por ata duhet te punojne edhe me shume individualisht. Cikalleshi eshte nje tjeter i ri qe ka nevoje qe te rritet edhe me. Une do te perpiqem t'i rri prane atyre, duke punuar gjate te gjithe kohes i ndihmuar edhe nga stafi im, natyrisht pa i prishur pune ekipeve ku aktivizohen. Edhe Veliu, qe e harrova, do te jete ne fokusin time". Josip Kuzhe nisi projektin e tij per te ngritur skuadren qe do te marre pjese ne kualifikueset e "Euro 2012".

Keshilla
"Cikalleshi permendet si nje lojtar qe premton shume. Me moshen e re duhet te punoje ne te ardhmen - theksoi Kuzhe. Edhe Veliu eshte vecuar per pergatitjen e tij te larte, si mbrojtes i perspektives, por po ashtu i mbetet te punoje, per te veshur fanellen kuqezi". Trajneri permendi rreth shtate emra, por nuk perjashtoi asnje nga 20 te pranishmit ne zborin e Turqise. Ne projektin e tij, kombetarja do te kete lojtare te rinj ne moshe.