Iken per shetitje, tre dite i zhdukur, dyshohet vetevrasja

Durres- Nje 40-vjecar nga fshati Mezes i Tiranes, dyshohet te jete mbytur ne ujerat e detit prane fshatit Fllake te Durresit, pasi rezulton i zhdukur prej tre ditesh, kurse familjaret denoncuan ne polici duke kerkuar ndihme per gjetjen e tij. Sami Lala sipas te afermve, eshte larguar me makinen e tij "Benz 250", me targe TR 3606 I rreth ores 10:00 te mengjesit te se shtunes dhe nuk eshte kthyer me ne shtepi. Mengjesin e nje dite me pas komisariati eshte njoftuar se ne vendin e quajtur "Pylli i pishave", ne fshatin Fllake, familjaret kane gjetur te braktisur automjetin. Uniformat blu kane nisur verifikimet dhe kerkimet ne terren, madje edhe ne banesat e zones perreth. Ne pyetje jane marre banore te fshatit Fllake nese kishin pare 40-vjecarin ditet e fundit. Mesohet se Lala ishte beqar dhe banonte ne fshatin Mezes ne kryeqytet. Ndersa largohej nga shtepia ai u ka thene familjareve se do te shkonte deri ne qendren e banimit dhe ne mbremje nuk eshte kthyer me. Makina eshte gjetur e pademtuar, e lene me dyer te hapura dhe celesa ne kuader. Ekspertet kane marre gjurmet e gishterinjve per te pare nese behej fjale per nje vrasje ne grabitje, ndersa dyshohet edhe per nje vetevrasje te mundshme me mbytje ne det. Aktualisht jane palombaret e RENEA-s qe po kryejne zhytje, per te gjetur trupin me kerkime ne zonen perreth, por ende pa sukses.