Asnjëherë të dielënNga “Wall Street Journal”Kur Michelle Obama deshi të bënte pazar me vajzat në Paris muajin e shkuar në një butik fëmijësh të modës, presidentit, Nicolas Sarkozy, iu desh të telefononte të hapej dyqani. Pse? Në Francë është e ndalua

Nëse dëshironi të lexoni edicionin online të gazetës në PDF klikoni këtu.

Kur Michelle Obama deshi të bënte pazar me vajzat në Paris muajin e shkuar në një butik fëmijësh të modës, presidentit, Nicolas Sarkozy, iu desh të telefononte të hapej dyqani. Pse? Në Francë është e ndaluar me ligj hapja e shumë dyqaneve të dielën. Sarkozy dëshiron të ndryshojë ligjin. Dhe ky është moment i përshtatshëm për ekonominë franceze.

Parlamenti pritet të miratojë sot një ligj që e anulon ligjin e vitit 1906 për kufizimin e punës ditën e diel. Qëllimi fillestar i ligjit ishte shenjtërimi i së dielës - kishat bosh të Francës tregojnë sa ka funksionuar ky ligj - dhe Kisha katolike është përkrahëse e tij e fortë. Por ai është kthyer në simbol i rregullimit të ekonomisë në vështirësi. Ligji përfshin rreth 180 përjashtime. Për shembull, një dyqan që shet syze dielli mund të hapet të dielën, sepse syzet e diellit konsiderohen argëtim, ndërsa një dyqan që shet syze optike duhet të mbyllet.

Për shumë francezë, puna dhe pazari të dielën do të përmirësonte cilësinë e jetës së tyre. Disa punëtorë, si për shembull studentët, pëlqejnë madje të punojnë në fundjavë. Hapja e dyqaneve të dielën është mirë edhe për tregun. Përkrahësit e ligjit thonë se kjo masë do të shpëtonte rreth 15 mijë vende pune.

Franca si Franca, ligji nuk do ta legalizojë në tërësi tregtinë të dielën - kjo do të ishte diçka shumë e thjeshtë. Ai do të lejojë hapjen e më shumë dyqaneve në zonat turistike dhe qytetet me më shumë se një milion banorë. Bizneset do të kenë nevojë për autorizimin e prefektit, ndërsa diskriminimi i njerëzve që nuk do të pranojnë të punojnë të dielën do të ndëshkohet. Puna të dielën do të paguhet dyfish. Por edhe kështu, ligji ka ngjallur debat. Kryebashkiaku socialist i Parisit, Bertrand Delanow, tha kohët e fundit: “E diela është një ditë pushimi e respektuar nga shumica e punëtorëve dhe nuk duhet sakrifikuar nga vizioni një ekonomie të parregulluar, e cila nuk merr parasysh jetën familjare dhe personale të punëtorëve.”

Përkundrazi. Nëse Franca dëshiron të dalë nga rënia ekonomike sa më shpejt të jetë e mundur, biznesi duhet të jetë i lirë të përshtatet me kohët në ndryshim - përfshi mundësinë t’u shërbejë klientëve, kur kanë nevojë ata. Siç e ka kuptuar presidenti Sarkozy, ndërsa kundërshtarët e tij jo, një ekonomi e shëndetshme është në të mirën e punëtorëve dhe familjeve të tyre.