Atentat me eksploziv pronarit te servisit
Pogradec- Grindet me pronarin e servisit, tenton ta vrase me eksploziv artizanal gjate kohes qe punonte ne ambientet private. A. Ymeri ka shpetuar per mrekulli pas shperthimit te dy qeseve me lende plasese artizanale, dyshohet molotov, teksa perpiqej te riparonte nje mjet. Ngjarja ka ndodhur rreth ores 16:30 te dites se diel ne fshatin Golik te Pogradecit, kurse policia pas denoncimit te marre, ka shpallur ne kerkim si te dyshuar 45- vjecarin Ardian Kapri, qe ka mundur te arratiset pas krimit. Policia beri me dije se nga shperthimi i lendes plasese nuk ka pasur ndonje person te lenduar, por vetem deme materiale. Gjate marrjes ne pyetje pronari i servisit ka rrefyer se kishte pasur konflikte me pare me Kaprin, por ende nuk jepen motivet. Dyshohet nje grindje banale mes fqinjeve, por edhe per nje grindje per shkak te servisit te makines. Mbi bazen e deshmise dhe hetimit te kryer ne rruge operative, policia identifikoi autorin e atentatit te deshtuar, 45 vjecarin Kapri. Ndaj tij jane ngritur akuzat e "kanosjes" dhe "prodhimit dhe perdorimit te lendeve plasese artizanale pa leje". Per 45-vjecarin eshte bere shpallja ne kerkim ne te gjithe vendin dhe fotografite jane shperndare ne pikat kufitare dhe komisariate. Hetimet e metejshme per dy akuzat, po i kryen prokuroria e rrethit Pogradec.