Atentat me tritol kryetarit te qarkut
KUKES- Atentat me tritol kunder kryetarit te Qarkut Kukes. Nje shperthim i fuqishem eksplozivi i ndodhur rreth ores 03:30 te mengjesit te djeshem ne lagjen nr. 2 te qytetit verior, ka tronditur banoret qe jane zgjuar ne panik. Apartamenti ne katin e trete te nje pallati, ne pronesi te zyrtarit te larte, Shefqet Bruka, perfaqesues i Partise Demokratike eshte demtuar rende, ndersa per fat te mire nuk ka lendime ne njerez. Demtime kane pesuar edhe apartamentet e tjera ne shkalle, katin e dyte apo te katert. Vete kreu i qarkut ka deklaruar pas ngjarjes, se nuk ka konflikte me asnje person dhe se ka qene i rregullt ne detyren e kryer. Por ai nuk perjashtoi asnje piste, kurse policia heton rreth sulmit per shkak te detyres, edhe pse autoret jane te paidentifikuar. Deri mbremjen e djeshme ishin shoqeruar 10 persona, ne cilesine e te dyshuarve dhe deshmitarit.
Ekspertet e Drejtorise se Policise Kukes dhe ata Antimine, konstatuan se sasia e tritolit ka qene me peshe rreth 200 grame, e vendosur prane deres se blinduar te apartamentit te familjes Bruka. Pas shperthimit ne vendngjarje kane shkuar forca te shumta policore dhe drejtuesit e bluve ne qark. Fakti se shenjestra e sulmit ishte kryetari i qarkut dhe familja e tij me kater anetare, cifti i bashkeshorteve dhe dy femijet, ka bere qe hetimet te behen nga sektori i Antiterrorit ne kete drejtori dhe ne Policine e Shtetit. I alarmuar zyrtari Shefqet Bruka, ka kerkuar ndihmen e uniformave blu dhe ka siguruar familjen e tij. Grupi hetimor ka keqyrur vendngjarjen dhe marre deshmite e te gjithe banoreve te lagjes, nese kishin arritur te dallonin ndonje person ne rruge, ne momentin qe ka ndodhur atentati. Shperthimi ka qene aq i fuqishem sa ka shkaterruar shkallet, dyert, ka care muret dhe demtime te tjera ne shkalle. Bruka deklaroi se ne momentin e ngjarjes ai, gruaja dhe dy femijet, ndodheshin ne gjume.
Nje nder pistat kryesore eshte nje hakmarrjeje per shkak te detyres se kreut te qarkut, Shefqet Bruka, ose nje konflikt i castit me persona te tjere gjate diteve te fundit. Vete Bruka ka mohuar te kete konflikte me ndonje person. "Nuk di te kem konflikte personale, grindje te tjera apo per shkak te detyres qe kryej. Aktiviteti im i punes kohet e fundit ka qene normal dhe pa asnje shqetesim", tha zyrtari per mediat diten e djeshme. Ai eshte shprehur i bindur se drejtesia do te zbardhte kete akt kriminal dhe se te gjitha pistat jane te mundshme. "Gjithsesi nuk mendoj se pozicioni im te kete shkaktuar pakenaqesi", perfundoi Bruka. Policia e Kukesit ka shoqeruar deri dje ne mbremje 10 te rinj te dyshuar, qe pas marrjes ne pyetje u lane te lire.