Atestimi i mesuesve, IKT shqyrton ankesat

Instituti i Kurrikulave dhe Trajnimit eshte aktualisht ne fazen e shqyrtimit te ankesave te mesuesve, mbi rezultatet fillestare te atestimit te tyre. Ndersa pas pak ditesh, ky institut do te kete bere gati te gjitha te dhenat mbi rezultatet e tyre. Ende nuk behet e ditur ndonje shifer mbi kalueshmerine apo nivelin e tyre, por, specialistet jane ne pune e siper per te zyrtarizuar gjithcka brenda pak ditesh. Behet fjale per atestimin e bere me 29 mars te ketij viti, kur plot 270 arsimtare vetem ne Tirane iu nenshtruan provimit te posacem per rritje page. Sipas rregullores, jane perjashtuar nga detyrimi per te marre pjese ne atestimin e arsimtareve te gjithe ata qe kane kryer master. Sipas burimeve nga Ministria e Arsimit, kjo kategori e perfiton automatikisht kualifikimin sipas vjetersise perkatese. Sipas rregullores, pervec testimit me goje, rol ne rezultatet perfundimtare do te kete edhe portofoli i mesuesit qe duhet ta pergatisin te gjithe ata qe duan te marrin pjese ne testim. Ky dokument duhet te kete ne brendesi; Jeteshkrimin e mesuesit me fotografi, planin mesimor vjetor, objektivat e arritjeve te nxenesve per nje kapitull, modele testesh te hartuara prej tij, etj. Provimeve te kualifikimit i jane nenshtruar vetem punonjesit, te cilet deri me date 31 dhjetor 2008, kane plotesuar vjetersine nga 5 deri ne 9 vjet, per shkallen e trete te kualifikimit, nga 10 deri ne 19 vjet, per te dyten dhe 20 e me shume vjet, per shkallen e pare te kualifikimit. Provimi i kualifikimit nuk ka vetem qellime "titujsh", por do te shoqerohet edhe me stimulime financiare. Per kategorine e trete shtesa e pages eshte 10 per qind, per te dyten 10 per qind dhe per te paren 20 per qind. Mesuesi qe nuk merr pjese ne provim, ka mundesi te hyje vitin tjeter.