Virusi H1N1, OBSH: Mos ulni gatishmerine
Organizata Boterore e Shendetesise, paralajmeron se nuk ka vend per vetekenaqesi ne perballimin e rasteve tek njerezit te "gripit te derrave" ndersa ne Meksike pas disa ditesh alarmi gjendja paraqitet me e qete. OBSH-ja ben te ditur se ka tashme 991 raste dhe askush nuk duhet te ule nivelin e gatishmerise, sidomos tani kur eshte vertetuar dhe nje rast i kalimit te gripit nga njeriu tek derrat, ne Kanada. Ministri meksikan i Shendetesise, Jose Angel Cordova deklaroi se semundja eshte duke pesuar renie ne vendin e tij, ndonese numri i rasteve te vdekjeve te konfirmuara si pasoje e ketij virusi, eshte rritur ne 25 vete. Por per Meksiken rreziku tashme ka kaluar. Pas disa ditesh alarmi, gjendja ne kryeqytetin e vendit duket me e c'tensionuar ndersa jane vene re, jo vetem njerez te grumbulluar neper kisha, por dhe banore qe dalin shetitje me bicikleta etj .Duke injoruar paralajmerimet, nuk kane qene te paket dhe ata qe kane shkuar dhe neper plazhe per te shfrytezuar ditet e pushimit ne kuader te masave te marra, per mos perhapjen e semundjes. Sipas Presidentit te vendit Felipe Calderon, kane qene pikerisht keto masa qe kane mundesuar frenimin e perhapjes se virusit. Por per vendet e Kontinentit Amerikan ka ende vend per rrezik. Pas konfirmimit te rastit te pare te 'gripit te derrave", Kolumbia ka filluar shperndarjen e maskave, si mase paraprake per parandalimin e epidemise. OBSH-ja, paralajmeroi se gripi mund te rishfaqet me vone gjate vitit.