Athinë, bie intensiteti i zjarreve

Zjarri, që ka filluar para dy ditësh, ndodhet shumë pranë fshatit turistik Porto Germenos.

Skafe të policisë bregdetare kanë ndihmuar në evakuimin e banorëve dhe të pushuesve.

Shpresat e autoriteteve mbështeten vetëm në parashikimin e shërbimit sinoptik se erërat do të dobësohen gjatë orëve në vazhdim.

Zjarre të fuqishëm po vazhdojnë gjithashtu prej disa ditësh në gadishullin e Evias dhe në ishullin Zakinthos.

Në zonën e Atikës, zjarret që filluan ditën e premte, kanë djegur më shumë se 150 hektarë pyje dhe mbi 200 banesa.

Zëdhënësi i qeverisë tha se bilanci i dëmtimeve do të bëhet vetëm pasi zjarret të shuhen përfundimisht.

start/bbc