Athinë, Karamanlis takon Presidentin

Karamanlis takon Papulias, pas sulmeve arrestohen 87 persona
Athinë - "Ditë të vështira, zoti kryeministër". Janë këto fjalët e Presidentit grek Karolios Papulias, gjatë takimit me kryeministrin Kostas Karamanlis për të diskutuar rreth gjendjes së krijuar pas vrasjes së një 15-vjeçari. Ndërkohë që ka arritur në 87 numri i personave të arrestuar pas sulmeve në Athinë. Bilancit i shtohen edhe 49 ndërtesave që u është vënë zjarri, 14 dyqane,14 banka dhe 3 ministri po ashtu kanë qenë vatër zjarri. Po ashtu janë djegur edhe 20- automjete. Qindra të rinj po vazhdojnë të sfidojnë këtë mëngjes forcat policore greke pranë shkollës Politeknike në qendër të Athinës. Sheshi para së cilës po zhvillohet protesta është e mbyllur për makinat, ndërkohë që të rinjtë kanë hedhur edhe objekte të ndryshme në rrugë. Sipas policisë, dy studentë kanë hedhur një bombë molotov në një dyqan infomatik. Në ditën që do të bëhet edhe funerali i djali të vrarë, pra sot, për policinë dhe shtetin grek është edhe frika më e madhe për ndonjë sulm të mundshëm të dhunshëm. Në mbledhjen e fundit të qeverisë, Kostas Karamanlis ka deklaruar se "qeveria nuk do të lejojë që vdekja e një të riu të degjenerojë në protesta dhe sulme të papranueshëm dhe të rrezikshëm". Nga ana tjetër Ministri i Brendshëm, Pavlopoulos ka mbrojtur policinë duke u shprehur se "Policia është prezente në çdo ndodhi dhe ka bërë të pamundurën për të mbrojtur njerëzit dhe pronat".