Ati i Shenjtë: “I lyp Zotit bekime hyjnore paqeje dhe begatie për Shqipërinë”

Presidenti Nishani merr një mesazh falënderimi nga Papa Françesku

Presidenti, Bujar Nishani ka marrë një mesazh falënderimi nga Papa Françesku, në përgjigje të urimit me rastin e zgjedhjes së tij në krye të Selisë së Shenjtë në Vatikan, në të cilin Ati i Shenjtë shpreh besimin e tij se marrëdhëniet mes Selisë së Shenjtë dhe Shqipërisë do të vazhdojnë të përparojnë. Në mesazhin drejtuar Presidentit Nishani, Papa Françesku shkruan “ju falënderoj për përshëndetjet e ngrohta që më dërguat në emër të popullit shqiptar me rastin e zgjedhjes sime në Selinë e Pjetrit. Plot besim se marrëdhëniet mes Selisë së Shenjtë dhe Shqipërisë do të vazhdojnë të përparojnë, i lyp Zotit për Ju dhe popullin tuaj bekime hyjnore paqeje dhe begatie”.