Atletiko Madridi: Shitja e Forlan? Thjesht humbje kohe

Presidenti i madrilenëve Enrikue Kerezo insiston se do të refuzojë çdo lloj oferte për futbollistin uruguaian, të cilin e sheh si një nga pikat kyçe për garat e ardhshme në kampionatin spanjoll dhe në Ligën e Kampioneve.

“Nuk jam aspak i shqetësuar për çka flitet. Mua më interesojnë vetëm fitoret e ndeshjeve, dhe të gjithë e dinë mënyrën tonë të të punuarit. Kam thënë disa herë se Forlanin nuk e shesim, dhe për këtë nuk është nevoja të mendohet gjatë pasi është është thjesht një humbje kohe”, thekson presidenti i Atletikos së Madridit.

Diego Forlan është qëllimi kryesor i klubit të Barcelonës pas dështimit për të marrë nga Valencia sulmuesin spanjoll David Vila.