Austria vendos veton pro anëtarësimit të Shqipërisë në BE

Ministri Federal i Punëve të Jashtme të Austrisë Dr. Michael Sindelegger është shprehur gjatë një konference për shtyp të zhvilluar së fundi në Vjenë, se negociatat e Bashkimit Europian me Islandën, për kërkesën e kësaj të fundit për antarësim në BE, duhet të zhvillohen vetëm me kushtin, që në to të përfshihet edhe Kroacia e Shqipëria.

Shtypi austriak, Televizioni Publik Austriak ORF, Agjensia Austriake e Lajmeve APA si dhe media austriake gazetat "Die Presse", "Heute" etj, kanë komentuar gjatë dy ditëve të fundit këtë deklaratë zyrtare të Ministrit Sindelegger lidhur me preferencën e politikës së jashtme austriake kundrejt BE-së, për përfshirjen sa më shpejt, mundësisht në negociatat e afërme të anëtarësimit me Islandën, edhe Kroacinë e Shqipërinë.