"Autoret e kesaj ngjarjeje kane dashur t'i marrin atij jeten, per shkak te detyres"

Atentati i bere anetarit te Gjykates se Larte, Ardian Nunit eshte denuar dje edhe nga Komitetit Shqiptar i Helsinkit. "Duke vleresuar faktin qe z. Nuni ushtron detyren e anetarit te Gjykates se Larte, te instances me te larte te pushtetit gjyqesor, ka dyshime se autori ose autoret e kesaj ngjarjeje, kane dashur t'i marrin atij jeten per shkak te detyres. KSHH-ja denon ashper kete akt te rende kriminal dhe e konsideron ate si nje presion qe i behet jo vetem individeve te vecante, por edhe gjykatave ne teresi, qe sipas Kushtetutes se Republikes se Shqiperise jane te pavarura", sqaronte ne nje reagim Komiteti Shqiptar i Helsinkit. Nga ana tjeter, ky komitet i sugjeron organeve perkatese qe te hetojne me perparesi, ne menyre te gjithanshme dhe objektive kete ngjarje te tipit mafioz, te zbulojne autoret dhe motivet e verteta dhe te vene para pergjegjesise ata. "Per KSHH-ne kjo ngjarje eshte nje sinjal domethenes, qe tregon nevojen per te marre ne mbrojtje efektive, sidomos gjyqtaret qe ndihen te kercenuar, per te rritur sigurine ne gjykatat qe japin drejtesi dhe ne organet e tjera te specializuara ne luften kunder kriminalitetit", thuhej me tej. Ne fund te deklarates KSHH-ja kerkonte rritjen e sigurise se gjyqtareve, qe i sherben rritjes se pavaresise, forcimit te shtetit ligjor dhe mbrojtjes se lirive dhe te drejtave te shtetasve.