Autoritetet gjermane paralajmërojnë: Gjermania rrezikon konflikt të dhunshëm me Rusinë,

Gjermania rrezikon të përfshihet në një konflikt të dhunshëm me Rusinë, ndërsa Moska intensifikon një “luftë hije” gjithnjë e më agresive kundër demokracive evropiane; ky ishte paralajmërimi i dhënë të hënën nga kreu i shërbimit gjerman të inteligjencës së jashtme.

“Konfrontimi me të cilin po përballemi me Rusinë ka marrë një dimension të ri dhe më të rrezikshëm,” u tha ligjvënësve Martin Jaeger, kreu i Bundesnachrichtendienst (BND), gjatë seancës së përvitshme publike të krerëve të inteligjencës në parlament.
“Gjermania rrezikon të përfshihet në një konflikt të dhunshëm me Rusinë; tentativa për sulm në Lajpcig është vetëm një shembull,” tha ai.

Autoritetet gjermane kanë paralajmëruar vazhdimisht se Rusia po zhvillon një fushatë hibride me sulme kibernetike dhe me dronë, duke akuzuar Moskën se qëndron pas një tentative për sulm me dron ndaj aeroportit të Lajpcigut në muajin gusht. Rusia ka mohuar vazhdimisht çdo synim për të sulmuar vendet e NATO-s.
“Ne nuk po kërcënojmë askënd,” deklaroi të enjten presidenti rus Vladimir Putin. “Nuk kemi ndërmend të sulmojmë askënd – qoftë në vitin 2029, 2030 apo 2050 – por nëse përballemi me agresion, nuk do të kemi zgjidhje tjetër veçse të kundërpërgjigjemi.