Autoriteti i Kontrollit te Ushqimit Mos blini buke te prere dhe ne qese plastike
Blerina Hoxha
Shitja e bukes ne qese plastike eshte e demshme per shendetin por prerja e saj e servirja po ne qese e 20-fishon rrezikun. Kjo praktike alla shqiptare e shitjes se bukes eshte denoncuar nga vete prodhuesit e saj te cilet ne nje takim dje me Autoritetin Kombetar te Ushqimit kane marre angazhimin qe brenda 6 muajsh buka te tregtohet vetem me ambalazh letre dhe jo e prere. Kryetari i AKU Genc Juka dhe kryetari i Shoqates se Prodhuesve te Bukes Gezim Peshkepia rane dakord qe te marrin disa masa per disiplinimin e tregut te bukes.
Pse eshte e demshme prerja e bukes
Blerja e bukes se prere eshte me se e zakonshme per te gjithe konsumatoret shqiptare. Por ky lloj sherbimi nuk ofrohet ne asnje vend tjeter sidomos ne Europe per shkak se prerja e bukes sipas eksperteve te Autoritetit Kombetar te Ushqimit shoqerohet me shume elemente te demshem per shendetin e konsumatoreve. Prerja le mbetje metalike te thikave te bukes dhe prish strukturen kimiko-fizike ndryshon aromen shijen. Gjithashtu gjate ketij procesi buka merr nje sasi madhe mikrobesh te cilat do te mund te evitoheshin ne rast se nuk pritej. Nderkaq problemi i bukes se prere behet me i mprehte kur ajo futet ne qese plastike me mbyllje thuajse hermetike dhe shitet neper dyqane pas disa oresh. Keshtu kontaminimi i bukes nga qesja plastike rritet me gati 20 here apo me shume me aq feta te prera sa ka buka.
Demi nga qesja plastike
Drejtori i Autoritetit Kombetar te Ushqimit ka kerkuar heqjen e qeseve plastike dhe perdorimin e qeseve te letres. Nderkohe qe iu sugjeron edhe konsumatoreve te mos e blejne me buken e prere. Qesja plastike cliron gradualisht perberesit kimike te cilet nxjerrin toksina qe jane te demshme per shendetin e njerezve madje dhe per mjedisin. Disa kimikate te tilla si bisfenoli ne keto qese mund te shkaktojne probleme serioze ne shendet. Madje sipas disa studimeve edhe doza te vogla te bisfenolit mund te shkaktojne probleme ne zhvillimin e femijeve. Po ashtu kimikatet qe u shtohen plastikave absorbohen nga trupat e njerezve. Disa prej ketyre komponimeve kimike eshte gjetur se i ndryshojne hormonet dhe sjellin probleme te tjera shendetesore te njerezit. Per te sjelle prodhimin dhe tregtimin e bukes ne standardet normale prodhuesit e bukes dhe kreret e Autoritetit Kombetar te Ushqimit ne te gjithe vendin jane mbledhur ne kete takim te perbashket per te kerkuar kontroll me te forte nga institucionet perkatese per kushtet higjieno-sanitare ne te cilat prodhohet buka por edhe per eliminimin e subjekteve qe prodhojne buke ne forme ilegale dhe e shperndajne ate neper dyqane.