Autostrada Thumane-Rrogozhine, tenderi per koncesionin ne maj

Ne muajin qe vjen do te zhvillohet tenderi per dhenien me koncesion te autostrades Thumane-Rrogozhine. Burimet zyrtare ne Ministrine e Puneve Publike, Transportit dhe Telekomunikacionit njoftuan se tenderi eshte ne fazen perfundimtare te pergatitjes se dokumentacionit. Te njejtat burime njoftuan se, firma kroate "Konstruktor-Inzenjering" d.d- Split, ka shprehur interesin per te marre me koncesion, ndertimin e autostrades Thumane-Rrogozhine. Sipas tyre, firma kroate ka pergatitur studimin e fisibilitetit, projekt-idene, analizen financiare, studimin mjedisor, preventivin perkates per zbatimin dhe shfrytezimin, ndersa nje grup pune i ngritur ne MPPTT, ka shqyrtuar vertetesine dhe ligjshmerine e gjithe dokumentacionit. Referuar studimit fillestar qe ka sjelle kjo kompani, thane burimet zyrtare te MPPTT-se, mendohet qe ndertimi i rruges, te kushtoje rreth 620 milione euro. "Qeveria i ka dhene 4 pike nga 10 piket e mundshme dhe aktualisht jemi ne fazen e pergatitjes se dokumentacionit, per te dale me pas ne tender", shtuan burimet zyrtare. Nga studimet e kryera deri me sot, ku me kryesoret jane dy: studimi i aksit Veri-Jug dhe Masterplanit i Transportit te Shqiperise, kryer nga kompania "Louis Berger" ne 2005, rezulton se pikerisht segmenti rrugor vertikal Thumane-Rrogozhine rreth 62 kilometer i gjate, zgjidh problemet e mbingopjes te trafikut automobilistik ne Shqiperine Qendrore, shkurton distancat e transportit Jug-Veri dhe anasjelltas dhe realizon lidhjet e tyre me Tiranen dhe aeroportin nderkombetar "Nene Tereza". Ne te njejten kohe, sipas burimeve te MPPTT-se, ky segment rrugor mbetet e vetmja mundesi per te shkarkuar trafikun e jashtezakonshem te segmentit Tirane-Durres dhe Durres-Rrogozhine, qe sipas studimit te Masterplanit te Transportit, rreth vitit 2023 mund te arrije ne seksione te vecanta, ne nje trafik deri ne 60.000 automjete ne vit.

Zgjidhja

Segmenti Thumane-Rrogozhine, vleresohet si "shtylla kurrizore" per gjithe infrastrukturen rrugore te vendit, pasi ndertimi i tij lehteson trafikun e Shqiperise Qendrore, ne te cilen zhvillohet 80- 85% e gjithe volumit te trafikut te vendit, ku jeton 4/5 e popullsise dhe ekonomise se vendit.