Interesat e depozitave barazohen me te kredive
Kete vit per here te pare normat e interesave te kredive dhe ato te depozitave ne banka, kane ngushtuar diferencat, madje ne disa raste ato jane barazuar. Shkak per kete ndryshim ne tregun bankar ka qene konkurrenca e forte e bankave, per terhequr kursimet qe ne muajin dhjetor 2008 dhe janar 2009 dolen nga bankat. Interesat e depozitave ne leke per afatin 12 mujore jane nga 9 deri ne 15 per qind ne varesi te bankave dhe shumave, nga rreth 7 % per qind qe kane qene 1 vit me pare. Nga ana tjeter interesat e kredive, sidomos atyre per shtepi, nisin nga 6 per qind dhe ne varesi te monedhes ne te cilen merr kredine, interesi nuk e kalon 14 perqindeshin. Bankat ne vendin tone gjithnje e me shume po i shohin emigrantet si nje target me mjaft fitim per aktivitetin e tyre. Ndaj dhe ne sezonet kur shqiptaret qe jetojne jashte kthehen ne Shqiperi, bankat nisin ofertat joshese. Ne muajt qershor, korrik, dhjetor dhe janar promocionet e bankave jane te perqendruara thellesisht tek emigrantet. Gjate ketyre periudhave bankat ofrojne paketa ekstra. P.sh. per te gjitha ata qe hapin nje depozite te re nga dhjetori ne janar, do te perfitojne interesa me te larta. Po keshtu gjate kesaj periudhe bankat ofrojne me shume lehtesira per emigrantet qe duan te marrin kredi. Ndersa disa banka shtojne oret e punes si nje mundesi per te ofruar sherbime jashte orareve te zakonshme si nje menyre tjeter per te "ndjelle" emigrantet. Ofertat joshese te bankave kane bere shume nga emigrantet t'i ruajne kursimet e tyre ne Shqiperi per shkak se interesi i depozitave qe ofrohet, eshte disa here me i larte se i vendeve nga ato vijne. Ndersa te tjere emigrante jane nxitur qe kursimet e tyre t'i investojne ne blerje shtepish ose pasurish te tjera te paluajtshme. Mirepo kete vere, per shkak te krizes globale pritet qe emigrantet te sjellin me pak kursime. Por bankat kane nisur qysh tani promocionin e interesave te larta, ne pritje te asaj shume qe do te sjellin emigrantet, e cila sa do qe te jete eshte e domosdoshme per aktivitetin e tyre.