I bie pllaka ne koke, vdes ne spital punetori i pallatit

DURRES - Jane mbyllur ne menyren me tragjike festimet e Pashkeve ne Durres, teksa nje punetor 44-vjecar ka mbetur i vdekur, pasi i ra nga lartesia e pallatit nje pllake mermeri ne koke. Famir Ymeri, me banim ne kete qytet, po merrej me rregullimin e nje objekti, kur nje pllake mermeri eshte shkeputur dhe e ka goditur. Megjithese eshte derguar me urgjence ne spital mengjesin e djeshem nga koleget, 44-vjecari nuk ka mundur te mbijetoje, per shkak te plages se rende dhe hemorragjise. Policia nisi hetimet dhe fillimisht shoqeroi pronarin e pallatit ne ndertim, me pas drejtorin teknik te firmes, per "shkelje te rregullave te sigurise ne pune". Policia tha se Ymeri, punonte pa mjete mbrojtese, ne kete rast kaskat qe mbahen ne koke per te shmangur incidentet. Nga deshmite e marra rezulton se i ndjeri, po punonte ne terren kur nje pllake i ra ne koke dhe e la pa ndjenja. Ymeri ishte punetor krahu, qe ndihmonte tekniket per ndertimin e pallatit. Pas ngjarjes se ndodhur, uniformat blu bene shoqerimin e pronarit te objektit, Viktor Xh., i cili ka deshmuar mbi ate cfare ka ndodhur. Pasditen e djeshme sipermarresi eshte lene per hetim ne gjendje te lire. Pak ore me pas, eshte bere ndalimi i drejtorit teknik te objektit, Sali Vidrica, 58 vjec, me banim ne Durres. Aksidentet ne pune, ne qytetin bregdetar jane te theksuara.

E. Arapi