BB: Shqiperia, me performanca te mira logjistike Eglantina Nasi

Ndersa ne rang global, progresi i logjistikave te tregtise ka njohur nje renie te tij, Shqiperia vazhdon te kete nje nivel te kenaqshem te tyre. Ky fakt pohohet ne raportin me te fundit "Per Performancat e Logjistikes ne Ekonomine Globale", ku vendi yne renditet i 78-ti mes 155 vendeve ne total qe jane marre ne studim per kete tregues. I publikuar nga Banka Boterore, raporti ne fjale, citon faktin se te tilla logjistika perbejne ne fakt, nje celes per konkurrencen ekonomike dhe zvogelimin e varferise. "Por fatkeqesisht, prirja ne rritje e performances pozitive ne tregje e viteve te fundit, ka ngecur ne vend gjate vitit te kaluar, per shkak te recesionit global dhe krizes europiane te borxheve. Ato e kane zhvendosur vemendjen larg nga reforma e logjistikes", mesohet te jete shprehur lidhur me nje fakt te tille, Otaviano Canuto, zv.presidenti Bankes Boterore per Uljen e Varferise dhe Menaxhimit Ekonomik. Nderkaq, raporti ne fjale, i jep Singaporit, pozicionin e te qenit si vendi me progres me te larte ne mesin e 155 vendeve te perfshira ne treguesit e performances se logjistikave, si pjese e konkurrueshmerise. Edhe per vende te tilla si Kili, Kina, India, Maroku, Afrika e Jugut, Turqia, dhe SHBA, vihet re nje rritje ne kete aspekt. Sa u perket llojeve te caktuara te logjistikes, vleresohet se 90% e te intervistuarve ne rang boteror, jane shprehur te pakenaqur me sherbimet e logjistikes ne sektorin hekurudhor, ku futet edhe Shqiperia. Por ky studim mori ne shqyrtim edhe logjistiken e sigurise se ushqimit, e cila, sipas eksperteve te tij, ne nje kohe kur cmimet e tyre jane ne pikun historik, paraqitet me shume rendesi. Ne kete aspekt, Shqiperia vleresohet per ecurine e performances ne agrobiznes. Ne teresi, raporti ve ne dukje faktin, se "transporti e logjistika, drejtperdrejt ndikojne ne cmimin dhe disponueshmerine lokale te ushqimit, permes performances e elasticitetit e zinxhireve te ushqimit, vecanerisht ne vendet afrikane dhe ato te Lindjes, nga te cilat varen shume edhe importet ushqimore", citon raporti ne fjale. Ne fund, ai thekson se nje logjistike eficiente ne treg, si dhe nje qasje e plote ne zhvillimin e sherbimeve te transportit e infrastruktures, do te siguroje nje progres ne performancen e sherbimeve ndaj klienteve ne rang global.