BE: Detyrim moral për të ndihmuar bririn Afrikan

Bashkimi Evropian tha sot se Bashkësia Ndërkombëtare ka një "detyrim moral" për të ndihmuar bririn e Afrikës, ku më shumë se 12 milionë njerëz kërcënohen nga uria.

Shefja e diplomacisë evropiane, Kethrin Eshton theksoi gatishmërinë e BE-së për të ofruar ndihmën e nevojshme për të pambrojturit. Udhëheqësit afrikanë pritet të takohen nesër në selinë e Bashkimit Afrikan në Adis Abeba në një konferencë mbi situatën në bririn Afrikan.