BE: Tryeza Berisha-Rama, presim rezultate pozitive

Ne vigjilje te zhvillimit te tryezes se shumepritur te organizuar nga Presidenti Bamir Topi, i cili i mbeshtetur fort nga nderkombetaret per te ulur ne tryezen dy lideret e politikes shqiptare, kryeministrin Berisha dhe kreun e opozites, Rama, ka reaguar dhe Presidenca e Bashkimit Evropian. Vetem dy dite para ketij shansi per tejkalimin e krizes, ka qene Presidenca e Bashkimit Evropian, e cila ka pershendetur Presidentin e Republikes, Bamir Topi per organizimin e tryezes se dialogut mes dy lidereve kryesore te politikes shqiptare, ne nje moment kur opozita prej gjashte muajsh qendron jashte Kuvendit dhe hyrja ne institucionin legjislativ kushtezohet prej saj, nga plotesimi i kerkesave per transparencen e zgjedhjeve dhe hapjen e kutive te votimit te zgjedhjeve te 28 qershorit. Keshtu, ne nje deklarate te dhene per mediat, Bashkimi Evropian mirepret edhe pergjigjen pozitive per tryezen dhene ne fillim te javes nga kryeministri Sali Berisha dhe kryetari socialist, Edi Rama. "Bashkimi Evropian rikonfirmon perspektiven evropiane te Shqiperise dhe inkurajon veprimet qe sigurojne hapat e metejshem te vendit. Ne kete kontekst, ngerci politik duhet te tejkalohet nga udheheqesit politike shqiptare, duke marre parasysh te gjitha pasojat qe bllokimi i metejshem do te kete per interesat e pergjithshme kombetare", thuhet ne deklaraten e presidences se BE-se. Deklarata e Presidences se BE, ka ardhur menjehere pas disa takimeve te njepasnjeshme te ambasadoreve te saj ne Tirane, perkatesisht ambasadorit spanjoll Montobio, vendi i cili ka dhe presidencen e radhes se BE-se dhe ambasadorit te KE, Lohan, te cilen ne tere keto dite kane ndare konsultime te rendesishme me Presidentin Topi, organizatorin e tryezes, ne menyre qe suksesi te jene i garantuar. Njeheresh ata kane zhvilluar takime dhe me dy aktoret kryesore te politikes Shqiptare, Berisha dhe Rama, te cilet do te mundesojne qe ne kete tryeze te japin shanset per tejkalimin e krizes politike ne vend. Njeheresh takime ka zhvilluar dhe ambasadori amerikan, Uidhers, kryesisht me presidentin Topi dhe kryetarin socialist Rama, duke bere thirrje per dialog dhe nepermjet tij zgjidhjen e krizes politike. Tryeza e shumepritur do te zhvillohet neser ne oren 11.00 ne Presidence. Nderkohe qe gjate ketyre diteve, si Berisha ashtu dhe Rama, kane shprehur gatishmerine per bisedime, pavaresisht se te dy kane qene jashte vendit, si per te karikuar mbeshtetesit per te "velur" sa me shume ne favor te tyre ne kete tryeze. Keshtu Berisha ka qene ne Rome, ne takime me Berluskonin por dhe me bizneset e interesuar per te investuar ne Shqiperi, ndersa Rama ka vendosur te konsultohet me koleget socialiste evropiane, te cilet kane kerkuar transparencen e zgjedhjeve te 28 qershorit.