BE e pakenaqur ndaj Rusise per vazhdimin e ndalimit te importeve nga Europa

Bashkimi Evropian shprehu pakenaqesine e thelle ndaj Rusise per vazhdimin e ndalimit te importeve te zarzavateve nga Europa per shkak te perhapjes se bakteries Ekoli ne Gjermani.

Zyrtaret e BE-se thane sot se ndalimi rus eshte i pajustifikuar tani meqenese burimi i Ekolit eshte gjetur dhe eshte problem i lokalizuar rreth qytetit te Hamburgut ne Gjermani.

Presidenti rus Dimitri Medvedev tha javen e kaluar se qeveria e tij do ta hiqte ndalimin sapo BE-ja te siguronte dokumente qe vertetonin se zarzavatet ishin te sigurta. Por ekspertet e te dy paleve duhet te bien dakort mbi dokumentin qe do te pranoje Rusia.

Fermeret e zarzavateve ne Europe thone se kane pesuar humbje te medha per shkak te perhapjes se bakteries e cila shkaktoi vdekjen e te pakten 38 vetave dhe semurjen e me shume se tre mije e 200 te tjereve. Te gjitha vdekjet pervec njeres dhe shumica e infeksioneve kane ndodhur ne Gjermani. Vdekja e pare e nje femije nga Ekoli u njoftua dje. Megjithate zyrtaret gjermane te shendetit publik thone se numri i infeksioneve te reja ra ndjeshem javen e kaluar.