BSH: Qeveria vetem 270 milione dollare borxh

Banka e Shqiperise prezantoi dokumentin e politikes monetare per vitin 2008, ku nder te tjera mesohet edhe masa e financimit te deficitit buxhetor per kete vit. Keshtu, per vitin 2008, kufiri i siperm i financimit te brendshem te deficitit buxhetor eshte 25.2 miliarde leke, rreth 270 milione USD. Pra, e thene ndryshe, qeveria parashikon te kryeje rreth 1,2 miliarde USD shpenzime kapitale, ku nga keto rreth 700 milione USD do te jene kredi nga burime te brendshme e te huaja. Por autoriteti me i larte monetar ne vend, pra Banka Qendrore, ka parashikuar qe nga bankat e nivelit te dyte te mos merren me shume se 270 milione USD. Pikerisht per kete, qeverise per vitin 2008 nuk i mbetet tjeter, vecse te shtrije doren ne tregun e huaj, ku mendohet se interesat per hir te se vertetes jane disi me te lira. Sipas BSH-se, krediti i brendshem neto per qeverine perfaqeson totalin e pretendimeve te sistemit bankar ndaj qeverise, minus depozitat e kesaj te fundit si ne banke, ashtu dhe ne bankat tregtare. Vendosja e nje niveli kufi te siperm ka si synim te vere nen kontroll, brenda niveleve te paracaktuara, kreditimin e deficitit buxhetor nga ana e sistemit bankar. Po ashtu, rezervat nderkombetare neto te BSH-se perfaqesojne mjetet valutore neto te bankes, minus te gjithe zoterimet valutore te bankave tregtare, te vendosura ne BSH (rezerva te detyruara ne valute plus rezervat e teperta ne valute).